O BNG non quere "ser cómplice" da votación no Congreso do último paquete de recortes que o Goberno español porá riba da mesa esta quinta para ser revalidado, após a súa aprobación no Consello de Ministros da pasada sexta feira.
Así as cousas, canda @s deputad@s nacionalistas --Olaia Fernández Dávila e Francisco Jorquera-- ergueranse tamén dos seus asentos @s sete da coalición Amaiur e @s tres de Esquerra Republicana. Tod@s integran o grupo mixto.
Non será a única crítica manifesta a machetada aos dereitos sociais asestada por Mariano Rajoy, e aplicada na Galiza co apoio da Xunta. Tamén @s once parlamentares de Izquierda Plural --IU-ICV-CHA--. Tampouco el@s tomarán parte na votación do decreto. Di o voceiro da coalición, Cayo Lara, que non queren seren "cómplices" dos recortes.