No que vai de mes xa son 22 os palestinos asasinados por Israel, vítimas de ataques en Xerusalén, na ocupada Cisxordania e Gaza. Ademais, esta madrugada, forzas israelís lanzaron ataques na Faixa de Gaza e provocaron a morte dunha muller embarazada e da súa filla.
No balance do ataque desta madrugada tamén hai casas derrubadas e persoas feridas. Israel xustificou o ataque alegando que se produciu tras o lanzamento dun mísil, cuxa procedencia se descoñece, e sinalando que o obxectivo eran dúas zonas con armas de Hamás.
Durante as últimas semanas estanse a rexistrar fortes enfrontamentos entre mozos palestinos e soldados israelís. A violencia de Israel aumentou logo das numerosas manifestacións do pobo palestino contra as políticas racistas do Estado xudeu.
![[Imaxe: @YanniKouts] Atentado](/asset/zoomcrop,480,270,center,center/media/nosdiario/images/2016/01/31/201601311902359517.jpg)
![[Imaxe: United Nation Photo] Refuxiados](/asset/zoomcrop,480,270,center,center/media/nosdiario/images/2016/01/02/2016010217030628885.jpg)
![[Imaxe: Bernas Oimbra] Marcelo Rebelo de Sousa](/asset/zoomcrop,480,270,center,center/media/nosdiario/images/2016/01/24/2016012410411831005.jpg)
![[Imaxe: IAEA] Técnicos da IAEA nunha inspección no Irán](/asset/zoomcrop,480,270,center,center/media/nosdiario/images/2016/01/17/2016011716455389061.jpg)