Logo da polémica xurdida pola reunión que mantivo o ministro español de Interior con Rato, Fernández Díaz escúdase. Non considera esta xuntanza reprochábel “nin legal nin eticamente” e xustifícaa nunhas supostas ameazas ao ex vicepresidente imputado no “caso Bankia”. Segundo o ministro español, nesta reunión non se falaría de máis nada.
“Foi atacado e increpado e recibiu repetidas ameazas, especialmente nas redes sociais: máis de 400 mensaxes ameazadoras en Twitter”, sinalou Fernández Díaz no Congreso, unha xustificación que provocou unha forte indignación entre os grupos da oposición, que solicitaron a súa dimisión inmediata polo que consideran unha escusa “absurda”, “irresponsábel”, “escandalosa” e “unha milonga”. Houbo quen foi máis alá e pediulle responsabilidades ao presidente do Goberno español, Mariano Rajoy.
O ministro español aproveitou a súa comparecencia no Congreso para criticar o proceso independentista de Cataluña. Fernández Díaz apelou as formacións soberanistas catalás a seren prudentes, a respectar a lei e o Estado de dereito.
![[Imaxe: @YanniKouts] Atentado](/asset/zoomcrop,480,270,center,center/media/nosdiario/images/2016/01/31/201601311902359517.jpg)
![[Imaxe: United Nation Photo] Refuxiados](/asset/zoomcrop,480,270,center,center/media/nosdiario/images/2016/01/02/2016010217030628885.jpg)
![[Imaxe: Bernas Oimbra] Marcelo Rebelo de Sousa](/asset/zoomcrop,480,270,center,center/media/nosdiario/images/2016/01/24/2016012410411831005.jpg)
![[Imaxe: IAEA] Técnicos da IAEA nunha inspección no Irán](/asset/zoomcrop,480,270,center,center/media/nosdiario/images/2016/01/17/2016011716455389061.jpg)