sábado 04.07.2020
Este sábado ás 13h no Centro Social de Sofán

Carballo honra as mártires de Sofán: 100 anos do asasinato de María, Carmen, Josefa e María

O Concello de Carballo organiza un acto este sábado para lembrar estas catro mulleres, mortas polos disparos da Garda Civil cando asistían ao enterro dun neno de catro anos.

"Un padrenuestriño pol-os que morreron en Oseira, Nebra e Sofán!" Castelao
"Un padrenuestriño pol-os que morreron en Oseira, Nebra e Sofán!" Castelao

Este ano é o centenario das ‘Mártires de Sofán’, catro veciñas desta parroquia de Carballo que o 16 de febreiro de 1919 morrían polos disparos da Garda Civil cando participaban nun enterro. María Caamaño Pallas, que tiña sete fillos e estaba embarazada, Carmen Veira Souto, con catro fillos, María Serrano Paz e Josefa Bolón Mato

O concello decidira a construción dun novo cemiterio, incentivado polos sectores caciquís. A maioría da veciñanza opoñíase e pedían que se ampliase o vello camposanto. O concello clausurou o cemiterio vello en novembro de 1918. A xente seguía enterrando os seus mortos no vello  e o 16 de febreiro de 1919 estoupa o conflito. A actuación da Garda Civil remata nun baño de sangue con catro veciñas mortas e ducias de persoas feridas. 

     redes_sociais

Cen anos despois daquela acción das forzas de seguridade que matou catro veciñas e deixou numerosas persoas feridas, o Concello de Carballo, a instancias do Consello Parroquial rende homenaxe ás “Mártires de Sofán”. Este sábado será inaugurada unha placa comemorativa na súa memoria, nun acto organizado polo Concello, o Consello Parroquial e a asociación Lumieira.

O historiador e cronista carballés Xan Fraga Rodríguez falará sobre aqueles feitos. Tamén intervirán familiares das homenaxeadas e, por último, o alcalde de Carballo, Evencio Ferrero.

Precisamente, ás mártires de Sofán dedícalles Sermos Galiza un dos capítulos do monográfico "De Nós" titulado Rebeldía Galega contra a inxustiza, escrito por Xan Fraga. A publicación está á venda na loxa.

Carballo honra as mártires de Sofán: 100 anos do asasinato de María, Carmen, Josefa e...
comentarios