Ponthus, rei literario da Galiza, no ‘Pas de la Fontaine des Pleurs’

Ningunha persoa versada en literatura francesa medieval pode dubidar da importancia que outrora acadou Le roman de Ponthus et Sidoine, obra anónima que recentemente hai quen a atribúe a Geoffroi de La Tour Landry, cabaleiro francés e escritor do Livre du Chevalier de La Tour Landry pour l’enseignement de ses filles. Porén, a autoría daqueloutra obra non está asegurada e disque se redactada entre 1390 e 1425. A partir de entón, como achega Henrique Harguindey, elabóranse copias que esparexen a fantástica historia de Ponthus, fillo do rei da Galiza, e Sidoine, filla do rei da Bretaña.