Pilar Allegue. Acción política nun tempo sen feminismo

Foi unha figura recoñecida na transición, unha das poucas mulleres concelleiras electas nas grandes cidades galegas en  1979. A biografía militante de Pilar Allegue Aguete (A Coruña, 1946) pode explicar a serodia chegada á conciencia política xeral, e ás organizacións, das ideas do feminismo que se tiñan que abrir paso contraditoriamente no pensamento político de esquerdas e nacionalista. Por entón non se recoñecía nin a existencia da dobre xornada na vida das mulleres, nin conceptos hoxe maioritariamente asumidos como a conciliación.