Na iniciativa intervirán mulleres de relevo público: a xornalista Carme Vidal, a cineasta e profesora Margarita Ledo, a deseñadora Melania Freire, a profesora e ex deputada do BNG Carme Adán, as músicas Najla Shami e Susana Seivane, a actriz Mabel Rivera, a escultora Soledad Penalta, a poeta Luz Pozo Garza, e mais as Pandeireteiras das Encrobas.
No percorrido haberá outras protagonistas, tamén mulleres, pero da historia, as que contribuíron a moldar a urbe. Falarase da pedagoga e ensaísta Concepción Arenal, da modista e militante galeguista María Miramontes, das escritoras Rosalía de Castro e Emilia Pardo Bazán, da actriz María Casares, a xornalista Mari Luz Morales, a escritora e activista liberal Juana de Vega, a escritora Syra Alonso, a política galeguista Micaela Chao, as pintoras María Corredoyra e Lolita Díaz Baliño, e a militante republicana Amparo López Jean.
