Neste 2020 fanse 104 anos do que o grupo cualifica de "masacre". Ese mesmo día de 1916, a Garda Civil asasinaba cinco labregas -catro mulleres e un home- e fería de bala outras 32 persoas, por loitar "contra o pagamento inxusto e discriminatorio de impostos ao Estado español", denuncian desde a formación.
Co recoñecemento, os nacionalistas tratan "de recuperar para a memoria colectiva da Galiza un episodio de loita e resistencia fronte ao centralismo español".
Trátase así dun acto "político nacional de homenaxe" a unha "historia de resistencia, silenciada e ocultada, malia a súa dimensión", o que dá conta da "falsa e interesada idea dun pobo galego dócil e submiso co poder central".
Na lembranza intervirán o veciño Santiago Suárez, Balbino González, concelleiro do BNG en Porto do Son, e a deputada Rosana Pérez.