As fotos de Mauthausen, na Coruña

En 1940, o fotógrafo comunista catalán Francesc Boix (Barcelona, 1920 – París, 1951) caeu preso. Os nazis internárono no campo de concentración de Mauthausen, en Alemaña. Sobreviviu. E con el sobreviviron as imaxes coas que, clandestinamente, testemuñou o día a día na insitutición e o rostro dos represores. Foron usadas como proba de Cargo en Núremberg. A partir do día 1 de febreiro poderánse ver na Coruña.

Francesc-Boix-fotografo-mathausen — O fotógrafo Francesc Boix en Mauthausen.

Redacción

26/xan./18 - 21:42 Actualizado: 30/xan./18 - 14:32

Seguinte

A Casa Museo Casares Quiroga acollerá durante 15 días a exposición Boix, fotógrafo de Mauthausen, organizada pola Asociación pola Recuperación da Memoria Histórica en colaboración co Concello da Coruña.

Ademais, a quinta feira 8 de febreiro, o investigador Benito Bermejo ofrecerá unha conferencia sobre Boix “testemuño do horror”. Bermejo é autor do libro Francisco Boix, o fotógrafo de Mauthausen (2002), reeditado en 2015 baixo o título O fotógrafo do horror: a historia de Francisco Boix e as fotos roubadas aos SS de Mauthausen.