O acto será ás oito do serán no centro social A Gentalha do Pichel de Santiago de Compostela. A obra, publicada pola editorial Blukk, está organizada en 11 capítulos, dos Pobos galaicos á Organización tardo-visigoda, pasando pola Expansión romana, a Baixa Romanidade ou o Reino Suevo-Católico.
Segundo o profesor de historia antiga da Universidade de Salamanca Pablo C. Díaz, “o traballo de Fernández Calo propón recuperar unha idea de unidade estrutural imprescindíbel para valorar as transformacións e entender a conformación da sociedade galega alto-medieval”. A perspectiva diacrónica ampla que emprega o investigador, engade, contribúe a ese propósito.