Os vindeiros 11, 12 e 13 de Agosto

O guerrilleiro Antonio P. Barreiros centra a III homenaxe ás vítimas do franquismo en Verín

Após da primeira homenaxe popular ás vítimas do réxime franquista, na que se presentou o documental ‘Causa 1.021’, realizada no ano 2011 e a segunda celebrada hai dous anos, na que se fixo pública unha lista de máis de 400 represariados entre os que se atopaba o alcalde de Verín en 1936; a Unión Local da CIG de Verín e A Limia organiza a III Homenaxe ás vítimas do Franquismo na Comarca de Monterrei a vindeira fin de semana.

memoria verín
photo_camera Antonio Pérez Barreiros. Membro da 2ª Agrupación Guerrilleira. Verín

Este ano, a homenaxe terá comezo a vindeira sexta feira ás 20h no Salón de Actos da Casa de Cultura de Verín. O Secretario da Unión Local de Verín e A Limia, Luís Ferreiro, xunto coa autora do libro 'O futuro é para sempre' e antropóloga, Paula Godinho, presentarán en coloquio esta publicación. Centrado nos mecanismos socialmente construídos, polas poboacións das comarcas raianas entre Portugal e Galiza, para a resolución dos seus problemas cotiás, o libro de Godinho dedica un capítulo íntegro ás “trabalhadoras téxteis de Verim” no que se analizan o seu comportamento e as súas relacións sociais.

A xornada de homenaxe continúa o vindeiro sábado 12 no mesmo salón, á mesma hora. Nesta ocasión, Luís a estar en compañía do historiador e coordinador do libro 'Os nomes do terror', editado por Sermos GalizaDionisio Pereira. O coloquio centrarase na presentación e na análise dun traballo único, no que por primeira vez na Galiza, se sinalan as identidades, historias, miserias e crimes dos fascistas que protagonizaron os asasinatos derivados da represión franquista.

A ser o vindeiro domingo ás 22h na Praza da Mercé de Verín, cando se a realizar o Acto de Homenaxe ás Vítimas do Franquismo. Prestarase respecto na Comarca á figura do veciño de Verín e guerrilleiro da II Agrupación do Exército Guerrilleiro de Galiza, Antonio Pérez Barreiros, que faleceu na vila no ano 2012; entregándose, asemade, a súa viúva, Isabel do Barrio, unha lembranza na súa memoria.

A presentación e proxección ó aire libre do filme ‘O silêncio’, realizado polo verinés Xosé Lois Santiago, porá fin a esta III Homenaxe ás vítimas do réxime franquista que tanto tempo durou en Galiza. Previo á proxección, formarase un coloquio protagonizado polo realizador do filme e coas intervencións dos actores Antonio Loja Neves e José Manuel Alves Pereira, sobre os acontecementos de 1946 no Cambedo da Raia (Chaves). Esta pequena aldea, que se atopa a escasos metros de Galiza, foi atacada en 1946 nun episodio derivado do golpe franquista de xullo de 1936. A veciñanza da vila perdeu en menos dun ano a 18 dos seus habitantes, presos no cárcere do porto até o seu xuízo que tivo lugar en decembro de 1947. Nunha acción cívica, en decembro de 1996, levada a cabo por un conxunto de galegas e galegos, rescatou a memoria de solidariedade e con ela voltou a autoestima local.

O filme, en resumo, relembra o acontecemento pasado nesta pequena vila illada do extremo norte de Portugal e recolle a testemuña das persoas da aldea do Cambedo que ficaron por 50 anos abrigadas e obrigados ó ‘silêncio’, sen poderen falar deste tráxico episodio.  

Comentarios