Xosé Álvarez Castro, autor dun dos 13 ensaios incluídos no volume, o coordinador do mesmo Xoán Carlos Garrido Couceiro, e o presidente de Sermos Xoán Costa serán os encargados de explicar os contidos de Os nomes do terror. Neles figuran non poucos datos sobre o despregamento represivo na bisbarra do Morrazo, concretamente en Bueu. Ou sobre como o crego de Cangas entregou información dos "obreiros que construíran a Casa do Pobo" aos franquistas.
Os nomes do terror esgotou a súa primeira edición en menos de dous meses. A segunda chegou hai varias semanas ás principais librarías do país. Centos de persoas asistiron ás múltiples presentacións da obra.
