O atropelo tivo lugar en Levallois-Perret, nas aforas de París. Os seis militares quedaron feridos, tres deles graves aínda que non se teme pola súa vida, segundo confirmou o Ministerio de Defensa. Trala agresión o condutor deuse a fuga. A policíadetívoo horas despois.
O atacante agardou no coche que se atopaba aparcado nunha rúa cercana, enfrente ás instalacións habilitadas como cuartel, e agardou a que os militares saísen para camezar a patrullar para lanzarse contra eles. Cabe destacar que na localidade na que tivo lugar o atropelo se atopa a sede da Dirección Xeral de Seguridade Interior (DGSI), o servizo de espionaxe francés, e que está ubicada a escasos 800 metros do lugar.
A axencia France Press informaba que a sección antiterrorista da fiscalía de París investiga o feito baixo a premisa dunha “tentativa de asasinato de persoas depositaria da autoridade pública en relación cun acto terrorista”. As autoridades móstranse cautelosas e non aclaran de momento a natureza do altercado. O alcalde de Levallois-Perret, Patrick Balkany, afirmou porén que se trata dun acto deliberado sen lugar a dúbida.
