Portugal prescindirá 30 mil funcionari@s e gravará máis as pensións

O primeiro ministro portugués anunciou esta sexta feira máis un pacote de medidas por valor de 4,8 mil millóns de euros até 2015

Passos Coelho
photo_camera Passos Coelho

Passos Coelho compareceu perante os medios de comunicación esta sexta feira para dar a coñecer o novo plan de reformas que o seu executivo presentará á Asembleia da República. 

Após a sentenza do Tribunal Constitucional que declarou contrarias a dereito algunhas das medidas recollidas nos Orzamentos de Estado para 2013, o goberno de coaligación prepara un novo plan de medidas que respondan aos obxectivos de défice exixidos pola Troika. "Aínda non resolvemos o problema do défice" advertiu ao comezo da súa intervención o primeiro ministro "temos que o reducir máis". 

O goberno portugués centrará o seu programa de recortes nunha "reforma da administración pública" e na aplicación dunha nova taxa nas pensións superiores aos 1350 euros, en concepto de "contribución de sustentabilidade" á depesa pública. Neste senso, Passos Coelho anunciou que para 2014 serán despensad@s perto de 30.000 traballador@s públic@s por vía de "rescisións amigábeis" e de "mobilidade especial". Aliás, aumentará a xornada laboral na función pública ao pasar das 35 horas semanais, até o de agora vixentes, ás 40 horas. 

Asemade, o pacote incorpora a modificación da idade de xubilación. A partires deste 2013 @s traballador@s públic@s e privad@s poderán xubilarse "sen penalización" aos 66 anos, malia que a idade legal se mantén nos 65. 

Comentarios