Achifánfano.- Variante de chintófano, trebello ou artefacto descoñecido para quen o nomea.
Lugar de escoita.- Gondaísque (Terra Cha)
Fonte.- Antonio Eimil.
Alaxada.-Estaribel, estalaxada; enxeño caseiro cun fin práctico.
Lugar de escoita.- A zona de Xanceda e Boimorto.
Fonte.- Baldomero Iglesias Dobarrio.
Aldau.- Trapo ou pano de cociña.
Exemplo: “Dáme de aí ese aldau”.
Lugar de escoita.- San Xulián (Marín).
Fonte.- Sé Anxo Rosales González.
Barbana.- Pedazo de tea vella que se aproveita para envolver ou limpar. Xeralmente restos de sabas retiradas do uso.
Lugar de escoita.- Navia de Suarna.
Fonte.- Toño Núñez.
Enguerella.- Apeiro de labranza para sacar o esterco.
Lugar de escoita.- Muxía.
Fonte.- Proxecto Buserana de Muxía.
Estrepia.- (Ademais doutros significados). Táboa para amparar a carga en carros.
Lugar de escoita.- Barcala, A Baña.
Fonte.- Celestino Golán.
Garigolo.- Bochinche, cuarto pequeno.
Lugar de escoita.- Unha ampla zona de Galiza.
Fonte.- Colexio de Navia de Suarna/Endl Navia de Suarna.
Palabras con Memoria é unha sección que coordena a Asociación de Escritoras e Escritores en Lingua Galega. Todo o material podes consultalo aquí.
Se queres achegar algunha palabra que non apareza nos dicionarios, dirixe as túas propostas ao correo palabra.con.memoria@
