| 13:33 | Concluído o discurso de Maceira -"ao galego négaselle o que non se lle nega a ningunha outra lingua oficial-, a entonación do Hino Nacional Galego pon o ramo á marcha. |
| 13:28 | "É a sociedade galega -e non a Xunta- a que está a loitar por conseguir un diario en galego", alega o portavoz de Queremos Galego. |
| 13:27 | "Feixoo despreza a dignidade do seu cargo", afirma Maceira. |
| 13:25 | "Hoxe manifestamos o noso orgullo por manter o galego vivo día a día", comeza por dicer Maceira. "O galego non é unha lingua estranxeira. E serve para as matemáticas, para a física e química e a tecnoloxía, materias que só se imparten en castelán ou inglés". |
| 13:24 | Toma xa a palabra o portavoz de Queremos Galego e presidente da MNL, Marcos Maceira. |
| 13:20 | O rap tamén ten o seu espazo no palco. Vén da man de Frankie e As Labregas da Lingua, do IES Antón Fraguas de Compostela, gañadores do Correlingua. |
| 13:12 | Comeza a leitura do manifesto da marcha. Unha leitura a varias voces. A primeira, a de Marga Doval, do consello de administración de Sermos Galiza, o único semanario en lingua galega, empresa que está a promover o lanzamento de 'O Diario Galego' para 2019. Lerán tamén Concha de la Fuente, produtora do 'Diario Cultural'; Anxos Sobriño, presidenta da Coordenadora de Traballadoras e Traballadores de Normalización Lingüística; Adela Figueroa, cidadá que tivo que aturar a funcionarias galegófobas na sede da Xunta en Lugo; e Cesáreo Sánchez Iglesias, presidente da Asociación de Escritoras e Escritores en Lingua Galega. |
| 13:10 | Vai tomar a palabra Concha de la Fuente, produtora do 'Diario Cultural', o mítico programa de cultura que a Radio Galega eliminará da grella na próxima temporada. |
| 13:05 | Xa está practicamente chea a Quintana. Comeza o acto a comunicadora Nieves Rodríguez, quen parabeniza a todas as persoas implicadas na organización do evento porque "todo saíu impecábel". Apela a vivir cada dia en galego e di que como María Victoria Moreno este pobo ten unha historia de amor coa nosa lingua. |
| 13:04 |
Críticas desde as redes á política lingüística da Xunta, durante o propio transcurso da marcha: 
 |
| 13:01 |
Pilar Fernández, colaboradora de Sermos, entrevista brevemente o presidente da Mesa pola Normalización Lingüística, Marcos Maceira, xa na Quintana.
|
| 12:56 | Miles xa están a encher a Quintana. |
| 12:41 | A cabeza da manifestación na Rúa Nova e aínda sae xente da Alameda. |
| 12:40 |
As cámaras de NósTV marchan tamén a prol do galego: 
 |
| 12:35 | "Na escola e no traballo, en galego a diario", unha das palabras de orde coreadas masivamente. |
|
Recado do BNG a Feixóo:
|
|
| 12.20 | O aspecto da marcha nos seus primeiros compases é dunha maior convocatoria que anos pasados. Os cánticos, os tradicionais: "Na Galiza, en galego" "Nas rúas da Galiza, en galego", "Sempre na Galiza, sempre en galego". |
| 12:20 |
A rapazada tamén participa na marcha:
|
| 12:16 |
Aínda non comezou a marcha, mais xa moitas e moitos manifestantes teñen nas súas mans o caderno especial que sobre o lanzamento de 'O Diario Galego' lanzou Sermos esta semana.
|
| 12:11 |
Queremos Galego informa na rede sobre unha mudanza no itinerario da manifestación:
|
| 12:03 | #Engalegodíaadía é un dos cancelos desta marcha. |
| 11:56 |
Queremos Galego recebe queixas do servizo de Renfe: non se puxeron suficientes prazas nos distintos servizos con dirección a Santiago.
|
