domingo 31.05.2020

Palabras con memoria: sacando o que temos dentro...

Palabras con memoria: sacando o que temos dentro...

alebestrar.- Acción realizada por unha persoa que anda inquieta, que non para de moverse, preocupada, alterada mesmo.

Lugar de escoita.- Ferrolterra.

Fonte.- Henrique Dacosta.

amole.- Ato ou efeito de amolar/-se (importunar/-se).

Exemplo.- “Levou um bom amole.”

Lugar de escoita.- Vicinte (Outeiro de Rei).

Fonte.- Ramiro Barros Justo.

cachinas (comer ou levar o).- Comer ou levar o demo.

Exemplo.- "Esse capital comeu-lho o cachinas. Os cartos quem nom os sabe aforrar, logo lhos leva o cachinas."

Lugar de escoita.- Vicinte (Outeiro de Rei).

Fonte.- Ramiro Barros Justo.

comer a africana.- Comer a alguém os nervos.

Exemplo.- “Nom dava chegado e a mim comia-me a africana.”

Lugar de escoita.- Vicinte (Outeiro de Rei).

Fonte.- Ramiro Barros Justo.

escú!.- Expresión de incredulidade e estrañeza. Emprégase en ocasións en que se ve algo totalmente inesperado.

Lugar de escoita.- Atios (O Porriño).

Fonte.- Jessica Ramilo.

Outros apuntamentos.- Desde a APAMP (Vigo). Indica a informante que pode provir de “Escoita!”.

moita hora lle fora.- Coa auga ao pescozo, estar a punto de algo grave pero sen chegar a suceder.

Exemplo.- “Sábeo porque alguén de nós se foi do barbo.”

Lugar de escoita.- Ferrolterra.

Fonte.- Henrique Dacosta.

ósmia.- Preocupação ou empenho quase obsessivo; lideira.

Exemplo.- “Co'a ósmia do fútbol nom governa outra vida.”

Lugar de escoita.- Vicinte (Outeiro de Rei).

Fonte.- Ramiro Barros Justo.

Outros apuntamentos.- Segundo o informante: “Usa-se nomeadamente na locução "co'a ósmia de".”

comentarios