Hai dous días Ciudadanos expresaba no transcurso dunha comisión do Concello da Coruña as súas dúbidas sobre que o galego fose a lingua vehicular nas escolas infantís municipais da Coruña.
Agora, o PP vai un paso máis alá e presenta unha emenda contra o novo regulamento das escolas infantís por entender que, textualmente, “impone el gallego”.
O Partido Popular considera que ao fixar o galego como vehcular se está a “conculcar” o dereito dos nenos e nenas de 0 a 3 anos que estudan nesas escolas a recibir a súa “primeira formación” na lingua materna.
Na Coruña hai 9 escolas infantís municipais. O acordo entre PSOE e Marea Atlántica fxaba que ara o vindeiro curso, 2020-2021, a educación de 0 a 3 anos será de balde e co galego como lingua vehicular.
O fomento da igualdade, a alimentación saudábel con productos de proxidade ou a sostibilidade ambiental eran outros puntos dese acordo.
Un informe de 2014 da Mesa pola Normalización Lingüística alertaba da situación do galego entre os tramos máis novos da poboación e nomeadamente nas cidades. Só un 2,42 dos centros de Educación Infantil na Galiza declara que desenvolven a súa actividade maioritariamente en galego