castro de man.- Xogo infantil que consiste en conseguir aliñar tres pedriñas, impedindo á vez que o/a contrincante o faga (tres en raia).
Lugar de escoita.- San Mamede de Carnota (A Coruña).
Fonte.- Mar Llinares García.
escurrimpela.- Pedra lisa pola que os rapaces xogan a escorregar; tobogán.
Lugar de escoita.- Esteiro (Muros).
Fonte.- Estevo Urbano Caamaño Castro.
follatos.- (Ademais de significados xa rexistrados) Cartas sen valor nos xogos de naipes.
Lugar de escoita.- Arbo.
Fonte.- Pedro Salgueiro Sexto.
pisimpón.- Carátula da caixa de mistos para xogar aos pisimpóns. O xogo consiste en lanzalas dende unha determinada altura e se a de un/ha cae riba das demais o/a lanzador/a pode quedar con todo o que toque o seu.
Lugar de escoita.- O Barbanza.
Fonte.- Constantino Prego.
rebaldeixe.- Variante do xogo das lombas. Xogo consistente en pinchar un dos participantes por riba doutro, que está agachado, apoiándose coas mans no seu lombo.
Lugar de escoita.- Angudes (Crecente).
Fonte.- Sé Anxo Rosales González.
tendollo.- Premio ofrecido que mantén expectante ao seu posíbel receptor.
Lugar de escoita.- A Merca (Ourense).
Fonte.- Lois Cendón.
