canouras (2).- (Ademais de significados xa rexistrados) Pernas fracas, en especial as das mulleres.
Exemplo.- “Ten unhas canouras que parecen paus.”
Lugar de escoita.- O Morrazo.
Fonte.- Xosé Carballo Brión e Xesús Ferro Ruibal.
Outros apuntamentos.- Grupo Maré do Morrazo, formado por Salvador Castro Otero, Lucía Durán Paredes, Xosé Manuel González Barreiro, Henrique Harguindey Banet, Xosé Martínez García, Ramón Rocamonde Gómez e María Emma Tilves Pazos.
chiba.- (Ademais de significados xa rexistrados) Perilla, xena, barba.
Lugar de escoita.- San Martiño (Vilaboa do Morrazo).
Fonte.- Sé Anxo Rosales González.
engorrea.- Engurra.
Exemplo.- “Parece máis nova do que é; se non fosen as engorreas.”
Lugar de escoita.- Cesar (Sarria).
Fonte.- María Xosé López Castro.
Outros apuntamentos.- A fonte indica que así o dicía a súa avoa.
parda.- (Ademais de significados xa rexistrados) Vulva.
Exemplo.- “Vai rañar a parda.”
Lugar de escoita.- Santa Mariña (Covelo).
Fonte.- Sé Anxo Rosales González.
parromeiro.- Órgano sexual masculino.
Exemplo.- “Non se lle ergue o parromeiro.”
Lugar de escoita.- Santa Mariña (Covelo).
Fonte.- Sé Anxo Rosales González.
soligras.- Cóxegas.
Lugar de escoita.- Ferrolterra.
Fonte.- Henrique Dacosta.
