cacho (2).- (Ademais de múltiples significados xa rexistrados) Xogo infantil consistente en ir desprazando o cacho por uns cadrados debuxados no chan (portugués: amarelinha; castelán: rayuela).
Lugar de escoita.- Gondomar.
Fonte.- Miguel Anxo Mouriño.
coios.- Xogo das "tabas" na Limia, porque se xogaba con coios ou coias pequenas.
Lugar de escoita.- Porqueira (Ourense).
Fonte.- Antón Méndez Gándara.
lilelo.- Axóuxere, xoguete de bebé que fai ruído ao movelo.
Lugar de escoita.- Corme.
Fonte.- Vocabulario cormelán.
Outros apuntamentos.- Asociación Veciñal de Corme.
pallaperra.- Xogo de rifa ou sorteo que consiste en xuntar na man un número de pallas igual ao de participantes, ao que lle toca a máis pequena, perde.
Exemplo.- “Como ninguén quere ir por auga, xogámolo á pallaperra.”
Lugar de escoita.- Taboada (Lugo).
Fonte.- Lucas Rigueira Rey.
tirandeira.- Bambán, arrandea, carriola, feita de corda e enganchada en dúas pólas dunha árbore que ten como asento un saco dobrado.
Lugar de escoita.- Negreira.
Fonte.- Carmen Souto Negrete.
xipro.- Sinónimo de chifre.
Lugar de escoita.- Navia de Suarna.
Fonte.- Toño Núñez.
