desxabatar.- Arrincar un pedazo de pel por algunha ferida ou corte.
Lugar de escoita.- Zona de Navia de Suarna.
Fonte.- Endl Navia de Suarna.
eirada.- (Ademais de significados xa rexistrados) Mancha na pel.
Lugar de escoita.- A península do Morrazo.
Fonte.- Luís Calvo.
encasmao/á.- Dise da persoa que está convalecente na súa casa por un tempo, mais non metida na cama.
Exemplo.- “Estás débil porque levas moito tempo encasmao.”
Lugar de escoita.- O Saviñao (Lugo).
Fonte.- Andrés Lombardía Crespo.
Outros apuntamentos.- Aventura o complilador que puidese devir da fusión de en, cas e mao (en casa malo).
entanguiñido.- Dise dun membro tolleito, con pouca mobilidade, entalado.
Lugar de escoita.- Padrón.
Fonte.- Constantino Prego.
escampabiar (ou escampaviar ) (1).- Conxúgase cando unha persoa perde o sentido. Sinónimo de desvariar.
Lugar de escoita.- Moraña e a súa bisbarra.
Fonte.- Xosé Monteagudo.
gaixolo.- Bocio.
Lugar de escoita.- O Courel.
Fonte.- Dun vocabulario courelao.