abrandizado/a.- Que non madureceu como é debido (referido aos froitos).
Exemplo.- “Estas peras están abrandizadas da xeada.”
Lugar de escoita.- Santa Mariña (Covelo).
Fonte.- Sé Anxo Rosales González.
destremar.- (Ademais de significados xa rexistrados) Diferenciar as distintas clases de patacas dunha veiga.
Exemplo.- “Fun ao Reghengo e destremei as Baraka das Quenia.”
Lugar de escoita.- Arbo.
Fonte.- Pedro Salgueiro Sexto.
espurgar.- (Ademais de significados xa rexistrados). Pranar ou escascar as patacas.
Lugar de escoita.- Arbo.
Fonte.- Pedro Salgueiro Sexto.
pobolos.- Chámaselle así a todo aquilo que se cultiva nunha horta: verdura, tomates, pementos.
Exemplo.- Adóitase dicir: “Miña nai vai no mercado vender os pobolos.”
Lugar de escoita.- Vilagarcía de Arousa.
Fonte.- Carmen Pereira.
Outros apuntamentos.- Todos os "os" pronúncianse pechos.
rastrelo.- (Significado matizado) Cando están as castañas nos ourizos, a que está no medio chámase rastrelo e é a mellor para sementar.
Lugar de escoita.- O Pino (A Coruña).
Fonte.- Carmen Castiñeiras.
verrouchiño.- Espiga de millo que non medrou e quedou pequena.
Lugar de escoita.- Arbo.
Fonte.- Pedro Salgueiro Sexto.
