andar á cotrena.- Andar á competencia.
Exemplo.- "Réndelles moito o traballo que fan porque andan á cotrena os dous.”
Lugar de escoita.- Escudeiros - Ramirás (Ourense).
Fonte.- Xoán Carlos Domínguez Alberte.
degoarse.- Desexar algo moi fortemente, degoxar.
Exemplo.- "Degóase pola comida.”
Lugar de escoita.- O Barbanza.
Fonte.- Constantino Prego.
derada.- Indicativo de que algo se fai de xeito máis fácil ou doado.
Lugar de escoita.- Ferrolterra.
Fonte.- Henrique Dacosta.
gardar o golpe.- Agardar por alguén con quen se quere bater sabendo que vai seguir unha rutina.
Exemplo.- "Se tes que falar coa Carme, gárdalle o golpe cando veña coas vacas.”
Lugar de escoita.- Taboada (Lugo).
Fonte.- Lucas Rigueira Rey.
ourixar.- Abouxar, crispar dos nervios. Ourixo, abouxamento.
Lugar de escoita.- Santa Mariña (Covelo).
Fonte.- Sé Anxo Rosales González.
quicho.- Enfado duradeiro.
Lugar de escoita.- A Pobra do Brollón e comarca.
Fonte.- Orcelina Parada Cortiñas.
