apetar.- (Ademais de significados xa rexistrados) Rebentar de maduro/a.
Exemplo.- “Os tomates apetaron coa calor destes últimos días.”
Lugar de escoita.- Arbo.
Fonte.- Pedro Salgueiro Sexto.
buseiro.- Cesta pequena de vimbio que serve para traer as patacas da despensa.
Lugar de escoita.- Boiro.
Fonte.- Alumnado do CEIP Praia Xardín (recompilado polo EDLG do Centro).
carouba.- Garouba, óso da froita.
Lugar de escoita.- Bisbarra de Sarria.
Fonte.- María Xosé López Castro.
cunchilla.- Restos de cunchas que se apañaban na praia para comeren as galiñas, poñeren ovos e despois non os comeren, pois ponlle a casca máis dura os ovos.
Lugar de escoita.- San Pedro da Ramallosa.
Fonte.- Informante no Centro de Día de Baiona
lazo.- (Ademais de significados xa rexistrados) Mancha oleosa de cores brillantes que ás veces ten o viño ou o café.
Lugar de escoita.- Arbo.
Fonte.- Pedro Salgueiro Sexto.
mouga.- Broa.
Lugar de escoita.- Bergantiños e noutras zonas da Galiza rural.
Fonte.- Alberte Suras.
Outros apuntamentos.- Indica o informante que a pronunciación se fai con "gheada". É moi posíbel que derive da xiria dos canteiros.
tampullo.- Botelo.
Lugar de escoita.- Boiro.
Fonte.- Alumnado do CEIP Praia Xardín (recompilado polo EDLG do Centro).
Outros apuntamentos.- “Encántame o tampullo con patacas e grelos.”
