caleón.- Cacho de cal usado como xiz.
Lugar de escoita.- Baiona.
Fonte.- Informante no Centro de Día de Baiona.
espelma.- Chámase así á cera derretida ou xa fría que cae da vela.
Lugar de escoita.- Bisbarra do Barbanza.
Fonte.- Constantino Prego.
lamia.- (Ademais de significados xa rexistrados) Peza de ferro que rodeaba a roda do carro para que non se gastase. Ía cravada con chufos para amarrarse a ela.
Exemplo.- "Vai mercar chufos para amarrar as lamias."
Lugar de escoita.- Piñor-Cea.
Fonte.- Antonio Moure Narón.
lindeiro.- (Ademais de significados xa rexistrados) Randeeira.
Lugar de escoita.- Bembibre (Val do Dubra).
Fonte.- Hortensia Vázquez Fraga.
seitoiro.- Rella metálica do arado romano de pau.
Lugar de escoita.- O Courel.
Fonte.- Dun vocabulario courelao.
sendia.- Sella.
Lugar de escoita.- Muxía.
Fonte.- Proxecto Buserana de Muxía.
trinque.- (Ademais de significados xa rexistrados) Cadea de ferro moi resistente.
Lugar de escoita.- O Courel.
Fonte.- Dun vocabulario courelao.