chafarrico.- Atracción de festa.
Lugar de escoita.- Zona de Redondela (entre Vigo e Pontevedra).
Fonte.- Xoán Alonso.
dar punto.- Coller os rapaces as vacacións na escola.
Lugar de escoita.- Muxía.
Fonte.- Proxecto Buserana de Muxía.
maroutelas.- Traballos, responsabilidades, inquedanzas.
Exemplo.- "Eu agora teño tempo de pasear porque xa remataron as miñas maroutelas".
Lugar de escoita.- Bembibre, Val do Dubra.
Fonte.- Hortensia Vázquez.
norear.- Acción de pasar o tempo de traballo sen facer nada.
Exemplo.- "Josiño, ponte a traballar e déixate de norear, anda!"
Lugar de escoita.- Carbeiral- Bardaos (San Sadurniño).
Fonte.- Avelino Sanjurjo Beceiro.
Outros apuntamentos.- Outro informante, Xosé Manuel Fernández, informa que ten escoitado este verbo pola zona de Lugo e Vilalba co significado de andar dando voltas sen rumbo ningún. Perder o tempo dando voltas sen fin ou meta ningunha.
pentellada.- Traballo lento e laborioso sen apenas beneficio.
Exemplo.- "Levoume toda a tarde facer esta pentellada".
Lugar de escoita.- Nigrán (Pontevedra).
Fonte.- Albino Soto Figueroa.
ter laia.- Ter interese, preocupación por algo, ansia.
Exemplo.- "Non acabaches de facer o traballo, tes boa laia".
Lugar de escoita.- A Mariña luguesa.
Fonte.- Olaia Rocha Fraga.
