arandelas.- Pezas metálicas redondas con valor oficial de troco económico, moedas, e por extensión diñeiro.
Exemplo.- “Cambia de coche cada ano, debe ter moitas arandelas.”
Lugar de escoita.- O Morrazo.
Fonte.- Grupo Maré do Morrazo.
Outros apuntamentos.- Grupo Maré do Morrazo, formado por Salvador Castro Otero, Lucía Durán Paredes, Xosé Manuel González Barreiro, Henrique Harguindey Banet, Xosé Martínez García, Ramón Rocamonde Gómez e María Emma Tilves Pazos.
castimonia (de).- (Ademais de significados rexistrados) Dise da herdanza que queda sen repartir entre a descendencia, sen facer as partillas.
Exemplo.- “Esta mera é de Castimonia e non paga a pena mercala.”
Lugar de escoita.- Porqueira (Ourense).
Fonte.- Antón Méndez Gándara.
estar de días.- Estar de aniversario ou de santo.
Lugar de escoita.- Sabucedo (A Estrada).
Fonte.- Manuel Cabada Castro.
gabirro.- (Ademais de significados xa rexistrados) Faladura, leria, díxome-díxome, rexouba.
Exemplo.- “A túa buxaina escarramexa de máis, vancha fender, ponlle un punteiro máis longo.”
Lugar de escoita.- Valongo (Cotobade).
Fonte.- Sé Anxo Rosales González.
Outros apuntamentos.- A fonte sinala que adoita pronunciarse con gheada.
ir de boria.- Ir de festa.
Lugar de escoita.- San Vicente - A Baña (A Coruña).
Fonte.- David Campos.
pichi.- Palabra cariñosa dedicada a unha persoa querida.
Lugar de escoita.- O Courel.
Fonte.- Dun vocabulario courelao.
