artelexo.- Horta pequena onde se acostuma a plantar cebolas.
Lugar de escoita.- Cerceda.
Fonte.- Vanesa Barral Garcia./CPI O Cruce de Cerceda.
cornella.- Dentón, tipo de fungo que ataca os cereais.
Lugar de escoita.- Bembrive (Vigo).
Fonte.- Alba Pérez.
Outros apuntamentos.- Desde a APAMP (Vigo).
fendedeira.- Apeiro para atar as viñas.
Lugar de escoita.- Belesar (Baiona).
Fonte.- Noa Pérez.
Outros apuntamentos.- Alumna de 3º da ESO do CPR Plurilingüe Ángel de la Guarda en Nigrán.
ichote.- (Ademais de significados coñecidos) Cada unha das divisións que se fan nunha horta por diferentes produtos.
Exemplo.- “Neste ichote teño fabas e no outro de acolá teño coellas.”
Lugar de escoita.- Arbo.
Fonte.- Pedro Salgueiro Sexto.
Mao.- (Ademais de significados xa rexistrados) Chámase así a cada tira na que se partía a terra para a sementeira do pan. Poñíanse uns sinais cravando unhas pallas ou unhas ramas verdes na terra para guiarse e sementar a voleo.
Lugar de escoita.- Bisbarra de Sarria.
Fonte.- María Xosé López Castro.
milincroques.- Planta medicinal (Digitalis pupurea) de vistosas flores campaniformes; dedaleira.
Exemplo.- “As abelhas trabalham muito nos milincroques.”
Lugar de escoita.- Vicinte (Outeiro de Rei).
Fonte.- Ramiro Barros Justo.