amenso.- Aviso verbal que se lle dá a unha persoa para que o transmita a outra.
Exemplo.- “Xa che teño dito que non me deixes máis amensos pola xente de fóra.”
Lugar de escoita.- O Morrazo.
Fonte.- Francisca Abalde Omil.
Outros apuntamentos.- Grupo Maré do Morrazo, formado por Salvador Castro Otero, Lucía Durán Paredes, Xosé Manuel González Barreiro, Henrique Harguindey Banet, Xosé Martínez García, Ramón Rocamonde Gómez e María Emma Tilves Pazos.
caramiñada.- Ir coller cornetas, caramuxos, etc.
Lugar de escoita.- Boiro.
Fonte.- Alumnado do CEIP Praia Xardín (recompilado polo EDLG do Centro).
Outros apuntamentos.- Comenta a informante que medraba nun noiro ou herbal onde pola parte de arriba había un pequeno carreiriño (chamado “seguedo”) polo que corría un cativo regueiro do que saía auga cara ó noiro.
conrobla.- Festa que se celebraba cando se remataba unha actividade agrícola ou doutro tipo (a construción dunha casa, etc).
Lugar de escoita.- San Breixo de Lamas (A Estrada).
Fonte.- Beatriz Mato Marque.
Outros apuntamentos.- Co mesmo significado aparece nalgúns dicionarios a palabra conrobra.
guarnir (1).- (Ademais doutros significados) Organizar algún evento.
Exemplo.- “Temos que guarnir unha cea de vellos compañeiros da escola.”
Lugar de escoita.- Burela.
Fonte.- Mario Ferreira López.
impoñer.- (Ademais de significados xa rexistrados) Acompañar a alguén nun tramo de camiño para que non se perda.
Lugar de escoita.- Pacios da Serra (Quiroga).
Fonte.- María Celina Cruz Rodríguez.
ir a pola vila.- Locución que equivale a facer unha visita a un/ha familiar ou veciño/a na aldea.
Lugar de escoita.- A Fonsagrada.
Fonte.- Anxo Toimil Santín.
Outros apuntamentos.- Enviada por Juncal Martínez, do IES Leiras Pulpeiro de Lugo.