caicoa.- Igrexa
Lugar de escoita.- Bisbarra de Bergantiños.
Fonte.- Alberte Suras.
fogoneiro.- (Ademais do significado habitual) Cura.
Lugar de escoita.- Burela (Mariña luguesa).
Fonte.- Mario Ferreira.
Outros apuntamentos.- Esta palabra úsabana os mariñeiros, que tiñan prohibido nomear a algúns animais ou persoas a bordo (golpe, cura?) porque daban mala sorte na pesca, así que lles cambiaban os nomes. Logo comezaron a empregarse tamén nas vilas costeiras.
pagar os ovos.- Donativo que se dá ao cura pola Semana Santa.
Lugar de escoita.- Cerceda.
Fonte.- Jessica Pallas/CPI O Cruce de Cerceda.
preguntas.- Chámanse así as amoestacións, proclamas ou notificacións de casamento lidas na igrexa.
Exemplo.- “As preguntas andan tres domingos.”
Lugar de escoita.- Sta. María de Covelo (c. de Covelo), Oroso (c. A Caniza).
Fonte.- Sé Anxo Rosales González.
Outros apuntamentos.- A fonte remítese á obra de Manuel Rodríguez Troncoso Historia dunha aldea galega.
publicatas.- Amoestacións, proclamas, notificación de casamento lida na igrexa.
Exemplo.- “As publicatas botáronse na igrexa o domingo de entroido.”
Lugar de escoita.- Cobres (Vilaboa do Morrazo).
Fonte.- Sé Anxo Rosales González.
Outros apuntamentos.- Apunta aínda a fonte o verbo derivado: correr as amoestacións = apublicarse.
zoino.- Crego, párroco, cura.
Exemplo.- “No funeral estiveron sete zoinas.”
Lugar de escoita.- Bergantiños e noutras zonas da Galiza rural.
Fonte.- Alberte Suras.
Outros apuntamentos.- É moi posíbel que derive da xiria dos canteiros.