alteza.- (Ademais de significados xa rexistrados) Lugar onde se deposita a masa do pan para deixala fermentar.
Lugar de escoita.- Baiona.
Fonte.- Stella Misa.
Outros apuntamentos.- Alumna de 4º da ESO do noso centro (CPR Plurilingüe Ángel de la Guarda, Nigrán).
bocho.- Mazá asada.
Exemplo.- “A semana que vén é a festa do bocho de Coiro, mais eu prefiro a compota.”
Lugar de escoita.- O Morrazo.
Fonte.- Amelia Pena e Teresa Otero Loaira..
Outros apuntamentos.- Grupo Maré do Morrazo, formado por Salvador Castro Otero, Lucía Durán Paredes, Xosé Manuel González Barreiro, Henrique Harguindey Banet, Xosé Martínez García, Ramón Rocamonde Gómez e María Emma Tilves Pazos.
cacho (o).- (Ademais de múltiples significados xa rexistrados) O cacho era a comida que facían nos fiandóns. Consistía en liscas de pan cocidas en leite con azucre pero sen que o pan chegara a desfacerse.
Lugar de escoita.- Ínsua (Vilalba).
Fonte.- María Celina Cruz Rodríguez.
cimbre.- (Ademais de significados xa rexistrados) Dise daquela comida que non ten sabor a nada, insípida.
Lugar de escoita.- Laza.
Fonte.- José Manuel Gerpe Vispo.
desavaporado/a.- Estado en que queda un produto alimenticio pasados uns días fóra do seu envoltorio.
Exemplo.- “As galletas quedaron desavaporadas despois de abrilas.”
Lugar de escoita.- O Porriño.
Fonte.- Pedro Salgueiro Sexto.
escaponar.- (Á marxe doutros significados) Pronar, pelar.
Lugar de escoita.- A zona de Xanceda e Boimorto.
Fonte.- Baldomero Iglesias Dobarrio.
