candullo.- (Ademais doutros significados xa rexistrados) Pedra grande.
Lugar de escoita.- Vigo.
Fonte.- Xesús Franco.
Outros apuntamentos.- Indica o informante que usaban esa palabra nas leas contra os do barrio de Canadelo Alto.
fondaral.- Sitio baixo.
Lugar de escoita.- Valdeorras.
Fonte.- Ánxeles Ferrer.
irado.- (Ademais de significados xa rexistrados) Dise do terreo moi inclinado, case vertical.
Lugar de escoita.- O Courel
Fonte.- Dun vocabulario courelao.
marcia.- Pedra que sinala os lindes dunha leira.
Lugar de escoita.- Xove (Mariña luguesa).
Fonte.- Marica Campo Domínguez.
moranguella.- Parte dun eido laborado para o que se botan as pedras que se retiran del, polo que adoita ter forma de montículo. Pode ser compartida por varias leiras contiguas.
Exemplo.- "Tódalas pedras que atopes, arrebólaas para a moranguella.”
Lugar de escoita.- Moa - Vilatuxe, Serra do Candán (sudoeste do concello de Lalín).
Fonte.- Daniel Blanco Moa.
Outros apuntamentos.- Tanto o "o" como o "e" pronúncianse pechados.
petada.- (Ademais de significados xa rexistrados) Camiño costento feito con pedras grandes.
Lugar de escoita.- O Courel
Fonte.- Dun vocabulario courelao.