candiós.- Os xeos que penduran dos tellados no inverno, carambos.
Lugar de escoita.- Zona de Sarria (Lugo).
Fonte.- Andrés Lombardía Crespo.
cencellar.- (Ademais do significado xa rexistrado) Verbo que conxuga o fenómeno metereolóxico que se produce cando as pingas de néboa por efecto do frío da xeada caen ao chan en forma de minúsculas folerpiñas.
Lugar de escoita.- Ourense e bisbarra.
Fonte.- Xerardo Méndez.
Outros apuntamentos.- Nalgún dicionario aparece cencellada co significado de rosada, xeada (A. Otero), porén os que recollen o infinitivo do verbo só dan o seu significado literal: cicelar (Cuveiro e Porto).
farelo.- (Ademais de significados xa rexistrados) Folerpa de neve.
Exemplo.- "Comezaron a caer farelos; se segue así, nunha hora estará todo branco".
Lugar de escoita.- Sto. Adrán de Cobres (Vilaboa do Morrazo).
Fonte.- Sé Anxo Rosales González.
follarca.- Folerpa.
Lugar de escoita.- Peitieiros - Gondomar.
Fonte.- Marta Dacosta.
mormazar.- Chover miudiño, peniscar.
Lugar de escoita.- O Condado.
Fonte.- María Isabel Fernández Vidal.
queixueira.- Néboa.
Lugar de escoita.- Pesqueiras (Salvaterra).
Fonte.- Sé Anxo Rosales González.