agullas.- (Ademais de significados xa rexistrados) Forma usada para referirse aos cabeiros ou caninos humanos.
Lugar de escoita.- Santa Mariña (Covelo).
Fonte.- Sé Anxos Rosales González.
alfafria (como umha).- Muita/o fria/o.
Exemplo.- “Tenho os pés como umha alfafria.”
Lugar de escoita.- Vicinte (Outeiro de Rei).
Fonte.- Ramiro Barros Justo.
arrebolada/o.- Estar unha persoa tirada nalgunha superficie horizontal en actitude de pasotismo.
Exemplo.- “Nestas vacacións penso pasar os días arrebolada no medio da praia!”
Lugar de escoita.- Boiro.
Fonte.- Andrea Muñiz.
Outros apuntamentos.- Desde a APAMP -Asociación de Familias de Persoas con Parálise Cerebral- (Vigo).
lubiao.- Pulmón.
Lugar de escoita.- O Courel.
Fonte.- Dun vocabulario courelao.
matula.- Os dicionarios recollen esta forma con outros significados, o inédito é: fazula, meixela.
Lugar de escoita.- San Breixo (Monterroso).
Fonte.- Andrés Lombardía Castro.
papuza.- Parte avultada da planta do pé pegada ás dedas.
Lugar de escoita.- Arbo.
Fonte.- Pedro Salgueiro Sexto.
Xena.- (Ademais de significados xa rexistrados) Perilla, chiba, barba.
Lugar de escoita.- San Martiño (Vilaboa do Morrazo).
Fonte.- Sé Anxos Rosales González.