embriado/a.- 1.-Impedido/a, tolleito/a. 2. Mal feito/a.
Exemplo.- "A avoa ten as pernas embriadas, por iso anda en cadeira de rodas". "Parece mentira que corra tanto con esas pernas embriadas".
Lugar de escoita.- 1.- Zona Eo-Navia. 2.- San Xiao (Corno do Boi)- Toques.Fonte.- Daniel GV e M. Quintela Gómez.
ghosefello.- Peixe raro. Persoa fea.
Lugar de escoita.- Muxía.
Fonte.- Proxecto Buserana de Muxía.
macano.- Feo.
Exemplo.- "Era moi macano e porco".
Lugar de escoita.- Cerceda.
Fonte.- Susana Amadeo Martínez./CPI O Cruce de Cerceda.
marafallo (1).- Persoa moi fea.
Exemplo.- "Tes unha moza que é un marafallo".
Lugar de escoita.- O Morrazo.
Fonte.- Grupo Maré do Morrazo.
Outros apuntamentos.- Formado por Salvador Castro Otero, Lucía Durán Paredes, Xosé Manuel González Barreiro, Henrique Harguindey Banet, Xosé Martínez García, Ramón Rocamonde Gómez e María Emma Tilves Pazos.
mazaroco.- (Ademais de significados xa recollidos) Dise en ton despectivo, da persoa que é pequena e mal feita.
Exemplo.- "Maruxa tanto esperou en casar e foi escoller o mozo máis mazaroco da parroquia: pequeno, gordo e mal feito".
Lugar de escoita.- Carbeiral- Bardaos (San Sadurniño).
Fonte.- Avelino Sanjurjo Beceiro.
socotroco.- Feo/a.
Exemplo.- "Ese/esa home/muller é un socotroco".
Lugar de escoita.- Carnota.
Fonte.- Miguel Ángel Pérez Álvarez.