empegar.- Poñerlle pegas (trabas) ás bestas.
Lugar de escoita.- San Xusto (Lousame).
Fonte.- CPI de Lousame.
empoarse.- (Ademais de significados xa rexistrados) Tirarse o burro ou cabalo ao chan para gañar a cebada.
Exemplo.- “Mira para o burro, está empoándose.”
Lugar de escoita.- Abrodos-San Pantaleón das Viñas (Paderne).
Fonte.- Asunción Álvarez.
endego.- (Pronunciado endegho) Ovo que se lle pon ás galiñas no niño para que poñan alí. Tamén se utiliza en sentido figurado para cualificar a xente delgada e de pequena estatura.
Lugar de escoita.- Friol (Lugo).
Fonte.- Patricia Penelas Devesa.
entepoñer (1).- (Ademais de significados xa rexistrados) Referindose ao gando, ás vacas, sacrificio forzado das mesmas.
Exemplo.- (Nunha casa que houbo que levar catro ao matadoiro): "Tivemos que entepoñer catro vacas".
Lugar de escoita.- Ferreiros de Balboa (Becerreá).
Fonte.- Andrés Lombardía C.
muncir.- Muxir, munguir.
Lugar de escoita.- O Courel.
Fonte.- María Celina Cruz Rodríguez.
topeñar.- (Ademais doutros significados rexistrados) Sopexar: Empurrar o cuxo o ubre da vaca para comezar a mamar.
Lugar de escoita.- Buciños, Carballedo.
Fonte.- Hortensia Vázquez Fraga.
Outros apuntamentos.- A fonte indica que recolleu a palabra de Guadalupe García Álvarez.
