avixote.- Lagarteiro, tecelán, ave de rapina.
Lugar de escoita.- O Courel.
Fonte.- Dun vocabulario courelao.
figueiró.- Vichelocrego, ouriolo, nicolao (paxaro).
Lugar de escoita.- Cumiar (Ponteareas).
Fonte.- Sé Anxo Rosales González.
garcía.- Golpe, raposo.
Exemplo.- "De noite sempre lle pecho ás galiñas, para que non as leve o garcía.”
Lugar de escoita.- Burela.
Fonte.- Mario Ferreira López.
Outros apuntamentos.- Esta palabra úsabana os mariñeiros, que tiñan prohibido nomear a algúns animais ou persoas a bordo (golpe, cura?) porque daban mala sorte na pesca, así que lles cambiaban os nomes. Logo comezaron a empregarse tamén nas vilas costeiras.
laugarrido.- Ouriolo.
Lugar de escoita.- Vilariño (Agolada).
Fonte.- Contacto de Manuel Cabada.
Outros apuntamentos.- Segundo a fonte, trátase da palabra comunmente usada para se referiren a tal paxaro.
picaboi.- (Ademais de significados xa rexistrados) Lavandeira, gardagandos (paxaro).
Lugar de escoita.- Cabeiras (Arbo).
Fonte.- Sé Anxo Rosales González.
pupa.- (Ademais de significados xa rexistrados) Caracola mariña.
Lugar de escoita.- Oia.
Fonte.- Alfonso Álvarez Cáccamo.
tastaraño.- Ave rapaz.
Lugar de escoita.- Ínsua (Vilalba).
Fonte.- María Celina Cruz Rodríguez.
