batarrullo.- Conxunto de ingredientes (carne, cebola, chourizo, etc.) cos que se fai a empanada.
Exemplo.- "Vai preparando o batarrullo para a empanada mentres eu quento o forno."
Lugar de escoita.- Bolmente (Sober).
Fonte.- Ramón Sandoval.
cabezas (do leite).- A tona do leite.
Lugar de escoita.- Lier (Sarria).
Fonte.- María Xosé López Castro.
Outros apuntamentos.- A nai da informante chamáballe así á graxa do leite que queda na superficie cando se deixa en repouso. Con elas facía a manteiga.
faragatos.- Cachelos cocidos desfeitos (faragullas).
Lugar de escoita.- Navia de Suarna.
Fonte.- Toño Núñez.
padumo.- Papas mestas.
Lugar de escoita.- Xunqueira de Espadañedo.
Fonte.- Xesús Franco.
Outros apuntamentos.- Indica o informante que a palabra provén da súa nai, que naceu na mencionada localidade ourensá.
pulientas.- Papas de fariña de millo.
Lugar de escoita.- Boal (Asturies).
Fonte.- Begoña Macero.
purgacio.- Chámanse así as castañas que se comen con leite.
Exemplo.- “Sábeo porque alguén de nós se foi do barbo.”
Lugar de escoita.- Pacios da Serra.
Fonte.- María Celina Cruz Rodríguez..
testón.- Comida que se fai na tixola con fariña, auga, ovos, leite e sal. Son delgadas como as filloas e bótaselles azucre por encima cando xa están feitas..
Lugar de escoita.- Lira (Carnota).
Fonte.- Iria Senande Fernández.
