cagote.- (Ademais de significados xa rexistrados) Froita semellante á claudia, pero máis pequena e de pel menos aceda. Hainas vermellas e tamén verdes que amarelean cando madurecen.
Lugar de escoita.- Bembibre (Val do Dubra).
Fonte.- Hortensia Vázquez Fraga.
Outros apuntamentos.- Pronunciación con gheada (caghote). Apunta ademais a fonte que era costume ir roubalas ás hortas por finais de maio.
caladiña.- Mazá do país de tamaño grande e branca. Gárdase moito tempo. É unha boa mazá.
Lugar de escoita.- Santo Adrián de Veiga (Ortigueira).
Fonte.- Avelina Piñón Rodríguez. (X. Ortigueira)
Outros apuntamentos.- Asociación Veciñal de Corme.
ceriguela.- Froitas de carabuña, do tipo da ameixa.
Exemplo.- “Aquela carabuñeira moitos zurullos deu este verao.”
Lugar de escoita.- Trazarís (A Estrada).
Fonte.- Antía Loureiro.
delfina.- Caste de mazá de tamaño medio e forma redondeada, De cor amarela ao madurecer.
Lugar de escoita.- Couzadoiro (Ortigueira).
Fonte.- José Dovale Gómez / (X. Ortigueira).
escallo.- (Ademais doutros significados xa rexistrados) Mazaroca do millo.
Lugar de escoita.- Corme.
Fonte.- Vocabulario cormelán.
Outros apuntamentos.- Asociación Veciñal de Corme.
suterra.- Pataca.
Exemplo.- “Fáiseme tarde para ir apañar as suterras.”
Lugar de escoita.- Pranzais / Peranzanes (Ancares leoneses).
Fonte.- Antonio del Valle Chousa.
Outros apuntamentos.- Sen dúbida procede do Burón, xiria dos ambulantes do val de Fornela, onde o singular sería suterránea, e o plural suterranes.