A Universidade de Cardiff, capital de Gales (Cymru, en galés), acollerá o X Congreso da Asociación Internacional de Estudos Galegos baixo o título 'Galiza alén do Arco Atlántico. Unha visión multidisciplinar dos estudos galegos'. Participarán 125 relatores, entre os que figurarán expertos do Consello da Cultura Galega, institución que alberga a sede da AIEG e que colabora activamente na organización do encontro.
O Consello da Cultura Galega organizará catro das sete conferencias plenarias. AIEG é unha asociación que leva tres décadas de estudos e investigacións sobre diferentes aspectos da realidade de Galiza e conta con 150 socios. Ao encontro en Gales acudirán relatores desde Estados Unidos e Arxentina a Escocia, España, Rusia ou Polonia.
