abarqueiro.- (Ademais do seu significado como substantivo) Termo que se utiliza para indicar que unha peza de roupa non acae ben por ser moi grande e folgada.
Exemplo: “Quita iso, que con esa chambra pareces un abarqueiro.”
Lugar de escoita.- Parroquia de Son (Navia de Suarna).
Fonte.- ENDL Navia de Suarna.
abitelo.- Vestido vello e gastado.
Lugar de escoita.- A zona de Amoeiro (Ourense).
Fonte.- Carlos Manuel Gómez Bóveda.
chelina.- Chaqueta longa (usada habitualmente por tratantes).
Lugar de escoita.- Vilalba e comarca da Terra Chá.
Fonte.- María Ladra Fraga.
Outros apuntamentos.- Enviada desde o Centro de Día de Abadín.
cinguideiro.- (Ademais de significados xa rexistrados) Mandil.
Lugar de escoita.- O Courel.
Fonte.- Dun vocabulario courelao.
Outros apuntamentos.- Palabra recollida no Centro de Día de Portas.
garghelo.- Abertura da saia.
Exemplo.- “Ten unha saia con garghelo.”
Lugar de escoita.- O Pindo (Carnota).
Fonte.- Tamara Rodríguez Caamaño.
queitanas.- Zocas.
Exemplo.- No contexto da seguinte estrofa: "Santo pau de ameneiro/ irmán das miñas queitanas/ cando estabas no meu carro/ carallo como cantabas!"
Lugar de escoita.- Brión (Ferrol).
Fonte.- Jaime López Picallo.
tufela.- Bufanda.
Lugar de escoita.- A Pobra do Brollón e comarca.
Fonte.- Orcelina Parada Cortiñas.
