sábado 28/11/20

Concentración pola lingua na sanidade nun xuízo que se adía ao non se poder desenvolver en galego

Unha concentración, convocada pola Mesa pola Normalización, apoiou no xulgado de Compostela a demanda contra o SERGAS por discriminación lingüística. O xuízo, finalmente, foi adiado ao non se poder desenvolver no noso idioma. 

mesa
mesa

O Servizo Galego de Saúde adiou a súa operación máis de 16 meses polo feito de solicitar asinar o consentimento informado na nosa lingua e el fai que o xuizo pola súa demanda tamén se adie pola defensa da lingua. Esta terza feira ía a xuízo despois de presentar unha demanda contra o SERGAS pola dilación inxustificada da intervención mais o xuízo tampouco se desenvolveu dada a imposibilidade de se desenvolver na nosa lingua. O xuíz anunciou que o avogado da aseguradora se ía expresar en español e preguntou se había algún inconvinte ao que o demandante, que estaba alí pola defensa dos seus dereitos lingüísticos, mostrou a súa oposición o que obrigou a adiar a vista até que se volva a desenvolver, xa con tradución para o avogado, o único na sala que anunciou que falaría en español. 

Malia os poucos minutos que durou o acto, a sala encheuse das persoas que, na porta protagonizaran a concentración convocada pola Mesa pola Normalización, baixo o lema “Polo dereito a vivirmos en galego”. A concentración estaba convocada ás 9.30 horas diante das portas do Xulgado para apoiar ao paciente que denunciara o retraso na intervención cirúrxica por exixir os seus dereitos lingüísticos. 

comentarios