“Incumprir. Facer ouvidos xordos. Desprezar”. Con estas palabras define a CIG-Ensino a actitude da Consellaría de Educación a respecto da lei de Valentín Paz Andrade para o aproveitamento da lingua portuguesa e vínculos coa lusofonía. O sindicato nacionalista alerta sobre a situación e insta o órgano público a realizar “un cambio de rumbo no pulo ao ensino de portugués” en vista á caída de alumnado que cursa o idioma.
“A Consellaría nunca tivo o máis mínimo interese en potenciar a aprendizaxe do portugués como segunda lingua estranxeira entre o alumnado galego, por iso nunca levou adiante ningunha campaña de fomento para ampliar a oferta e a demanda do idioma como materia nos institutos do país”, explican desde a federación nun comunicado público. Como consecuencia deste desleixo, a CIG-Ensino apunta os dados da institución pública a respecto do alumnado e centros que están a dar portugués.
Menos centros e alumnado a cursar portugués
En comparación cos últimos rexistros do curso 2016-2017 –cun total de 2.149 alumnas en 65 centros–, os dados aportados á CIG-Ensino pola Consellaría amosan un descenso até os 2.128 alumnas en 60 centros (58 públicos e 2 privados). “Estes datos permiten debuxar un mapa da oferta do portugués nos centros docentes absolutamente irregular”, engaden desde o sindicato, que sinalan “o bo facer, o interese e o voluntarismo do profesorado” como verdadeiros responsábeis desta oferta educativa. Segundo estes dados, 40% do alumnado está concentrado en 7 centros, mentres que 56 deles só contan cun grupo de alumnado. Este panorama contrasta coa situación de Estremadura, onde este ano ultrapasaron as 19.000 alumnas matriculadas en portugués.
Por isto, e co obxectivo de impulsar a ensinanza do idioma, a CIG-Ensino demanda oposición de portugués en secundaria, cando menos de prazas para o cambio de especialidade. "Deste xeito, o profesorado que agora mesmo imparte esta materia ou outro que estivese disposto a facelo podería acceder a esa nova especialidade", indican.
Provincia | Concello | Titularidade | Centro | Alumnado |
A Coruña | A Coruña | Público | EPAPU Eduardo Pondal | 49 |
A Coruña | A Laracha | Público | IES Agra de Leborís | 14 |
A Coruña | Cabana de Bergantiños | Público | CPI As Revoltas | 6 |
A Coruña | Carballo | Público | IES Alfredo Brañas | 20 |
A Coruña | Culleredo | Público | IES Universidade Laboral | 14 |
A Coruña | Curtis | Público | EPAPU de Teixeiro | 15 |
A Coruña | Melide | Público | IES de Melide | 96 |
A Coruña | Mesía | Público | CPI de Xanceda | 22 |
A Coruña | Neda | Público | IES Fernando Esquío | 5 |
A Coruña | Negreira | Público | IES Xulián Magariños | 24 |
A Coruña | Ordes | Público | IES Nº1 | 23 |
A Coruña | Ordes | Público | IES Plurilingüe Maruxa Mallo | 22 |
A Coruña | Rianxo | Público | IES Félix Muriel | 75 |
A Coruña | Santiago de Compostela | Público | IES Arcebispo Xelmírez I | 47 |
A Coruña | Santiago de Compostela | Público | IES San Clemente | 193 |
A Coruña | Santiago de Compostela | Público | IES Lamas de Abade | 3 |
A Coruña | Santiago de Compostela | Público | IES Arcebispo Xelmírez II | 6 |
A Coruña | Santiago de Compostela | Público | IES Antonio Fraguas Fraguas | 34 |
A Coruña | Santiago de Compostela | Público | IES As Fontiñas | 6 |
A Coruña | Teo | Público | IES de Cacheiras | 93 |
A Coruña | Vimianzo | Público | IES Terra de Soneira | 38 |
Lugo | Burela | Público | IES Perdouro | 10 |
Lugo | Chantada | Público | IES Lamas das Quendas | 15 |
Lugo | Foz | Público | IES de Foz | 13 |
Lugo | Guitiriz | Público | IES Poeta Díaz Castro | 43 |
Lugo | Lugo | Público | IES Nosa Sra. dos Ollos Grandes | 30 |
Lugo | Lugo | Público | IES Ánxel Fole | 93 |
Lugo | Ribadeo | Público | IES de Ribadeo Dionisio Gamallo | 127 |
Ourense | Allariz | Público | IES de Allariz | 9 |
Ourense | Bande | Público | IES Aquis Querquernis | 22 |
Ourense | O Barco de Valdeorras | Público | IES Martaguisela | 23 |
Ourense | Ourense | Público | IES 12 de Outubro | 18 |
Ourense | Ourense | Público | IES O Couto | 49 |
Ourense | Verín | Público | IES Xesús Taboada Chivite | 12 |
Ourense | Xinzo de Limia | Público | IES Cidade de Antioquía | 8 |
Pontevedra | A Estrada | Público | IES Nº 1 | 22 |
Pontevedra | A Guarda | Público | IES A Sangriña | 118 |
Pontevedra | As Neves | Público | IES Pazo da Mercé | 7 |
Pontevedra | Bueu | Público | IES Illa de Ons | 5 |
Pontevedra | Caldas de Reis | Público | CPI Alfonso VII | 26 |
Pontevedra | Caldas de Reis | Público | IES Plurilingüe Aquis Celenis | 65 |
Pontevedra | Cangas | Público | IES María Soliño | 18 |
Pontevedra | Cuntis | Público | CPI Aurelio Marcelino Rey García | 7 |
Pontevedra | Gondomar | Público | IES Plurilingüe Terra de Turonio | 11 |
Pontevedra | Moaña | Público | IES Plurilingüe A Paralaia | 50 |
Pontevedra | Mos | Público | IES de Mos | 29 |
Pontevedra | O Porriño | Público | IES Ribeira do Louro | 25 |
Pontevedra | Ponteareas | Público | IES do Barral | 116 |
Pontevedra | Pontevedra | Público | IES Luís Seoane | 1 |
Pontevedra | Pontevedra | Público | EPAPU Río Lérez | 15 |
Pontevedra | Tomiño | Público | IES Antón Alonso Ríos | 61 |
Pontevedra | Tui | Público | IES San Paio | 60 |
Pontevedra | Tui | Público | IES Indalecio Pérez Tizón | 53 |
Pontevedra | Valga | Público | IES de Valga | 35 |
Pontevedra | Vigo | Público | IES Politécnico de Vigo | 52 |
Pontevedra | Vigo | Público | IES Álvaro Cunqueiro | 27 |
Pontevedra | Vigo | Público | IES Valadares | 45 |
Pontevedra | Vilagarcía de Arousa | Público | CEE de Vilagarcía de Arousa | 1 |
Pontevedra | Mondariz-Balneario | Privado | CPR Cemar | 1 |
Pontevedra | Vigo | Privado | CPR Plurilingüe San Blas- Vista Alegre | 1 |
2128 |