A Associaçom Galega da Língua elege nova direçom

O dia 13 de Outubro a AGAL realiza uma Assembleia Geral extra-ordinária no Museu do Povo Galego. A candidatura "Pola Ponte" apresenta as propostas para a próxima etapa.
AGAL candidatura Pola Ponte

Com umha única proposta que tem como nome 'Candidatura pola ponte', a Associaçom Galega da Língua (AGAL), elege no dia 13 de Outubro numa Assembleia Geral extra-ordinária as pessoas que passarám a integrar a sua direçom. Entre os objetivos da proposta encontra-se a "promoçom social e divulgaçom pedagógica da estratégia luso-brasileira para o galego e para a nossa cultura", pois dizem estar cert@s de que constitui uma oportunidade em que ganhamos tod@s.

Ao som da música de Lenine que tem - apenas - como título "A Ponte" as candidatas e candidatos da AGAL trazem as propostas para melhorar a organizaçom do tempo para promover e divulgar o reintegracionismo entre a sociedade galega. Nesse sentido, a candidatura propom envolver mais as pessoas associadas pois dizem, "som o maior valor da AGAL".

A candidatura propom envolver mais as pessoas associadas pois dizem, "som o maior valor da AGAL"

E ainda, promover a criaçom de mais algum grupo local após serem criados os de Vigo e A Corunha. Num olhar interno. as áreas de trabalho que procurarám desenvolver nos próximos anos incluirám umha Coordenaçom-Geral, através do Conselho, a área administrativo-económica, a área informática, a revista Agália - editada em 1985 -, a área editorial, umha nova área áudio -visual - coordenada por Eduardo Maragoto -, a área de cursos e ateliês, a área de comunicaçom e umha futura área juvenil que permita divulgar e dar a conhecer a AGAL entre a juventude.

Continuar como referência no reintegracionismo
Um dos objetivos da candidatura "Pola ponte" é manter a AGAL como referência do reintegracionismo para o que, dizem, "vamos continuar criando produtos formativos, quer em formato Eletronic quer em formato livro", entre outras cousas, com o fim de introduzir a língua no setor empresarial . Além disso, "Pola Ponte" afirma que prosseguirám estreitando laços entre a Galiza "e o resto da lusofonia".

Os nomes que componhem a próxima diretoria da AGAL serám Miguel Penas, Valentim Fagim, Manuel López, Ângelo Lodeiro, Noemi Pinheiro, Manuel César Vila, Gerardo UZ, Eduardo Maragoto, Jorge Martins e Xemma Fernández. A Assembleia decorrerá no Museu do Povo Galego, em Compostela.

Comentarios