sábado 04.07.2020

Catro días de pan e libros en Carballo

O Xardín Municipal de Carballo ofrece, ao longo de catro xornadas, alimento para o corpo e a mente: é a sexta edición de Praza dos Libros, coincidindo coa feira tradicional de produtos da terra. Concertos, teatro, conta contos, presentacións de libros ou actividades para [email protected] integran o programa.
Cartel de Praza dos Libros 2012 en Carballo
Cartel de Praza dos Libros 2012 en Carballo

Os libros veñen, en Carballo, co pan debaixo do brazo, como adoita dicirse das crianzas: é o sexto ano que ten lugar a Praza dos Libros, a feira cultural da capital bergantiñá. Adoitaba facerse no marco das feiras estivais organizadas pola Federación de Libreiros, mais no concello non estaban [email protected] co resultado. “Non estaba funcionando, así que decidimos asumir directamente a organización”, conta Nel Vidal, coordinador da Praza, “mais dándolle unha volta”.

No ano 2006, pasouse de artellar unha feira arredor do protagonismo das librarías a “planificar un programa para a difusión da creatividade cultural, e complementalo coa venda e exposición de libros. Curiosamente, ao non pór como elemento principal a venda, conseguimos incrementala”. Se o nivel de vendas do libro galego, na maioría das feiras, sitúase no 10%, en Carballo están chegando ao 60%. Ademais de ter un programa planificado e integral, Praza aproveita tamén a coincidencia, quinta e domingo, coa feira tradicional de produtos da terra. O domingo mesmo levan pan de Carballo [email protected] [email protected] que merquen libros. “Funciona moi ben: chegamos a xente que nunca consumiría cultura galega doutro xeito”.

Pan, libros ou discos con denominación de orixe

De feito, o principal elemento diferencial desta feira é o protagonismo do libro, disco ou produto cultural galego, que no resto das feiras “ten unha presenza moi residual”. Tamén se lles tenta dar visibilidade aos autores e autoras da comarca: o pregoeiro este ano é Fernando Cabeza Quiles, escritor ponferradino especializado en toponimia que habita en Carballo, e participou na fundación do Instituto de Estudos Bergantiñáns. Co seu pregón arrincarán catro días de creatividade. Esta mesma quinta presentan libro Manuel Igrexas (As rapazas de Xan, en Xerais), e Pilar García Negro (Outramente, en Laiovento).

Presentaranse tamén os libros conxuntos Primavera de navallas, de Xurxo Chapela, e Solpor en Waterloo, de Xosé Manuel García (Quereres Editorial), e Follas de Carballo (Lumieira), escrito por [email protected] do concello como Cabeza Quiles, Rosalía Fernández, Farruco Graña, Henrique Mariño, Ignacio Silva, Xurxo Borrazás e Xurxo Chapela. @s [email protected] da comarca bergantiñá implícanse nesta feira, “mesmo tentan reservar este momento para presentar as súas novidades”, conta Nel Vidal. “Non é algo puntual, existe unha colaboración ao longo de todo o ano”.

Cómics que chegan á pantalla e poemas rosaliáns rapeados

Ao longo de catro días (desde esta quinta 23 até o domingo), terán lugar presentacións e sinaturas de libros, concertos, conta contos, teatro, recitais de poemas, actividades para pí[email protected] e proxeccións, como no caso de Engurras, a banda deseñada de Paco Roca que deu o salto á pantalla no premiado filme de Ignacio Ferreras. Ademais de María Arochena, da produtora do filme, estarán Gemma Sesar, de El Patito Editorial, e Suso Villar, que preside a Asociación de Familiares de [email protected] de Alzheimer de Bergantiños, na presentación de cómic e película.

Presentaranse o domingo ás 19.30, xusto antes de que a rapeira Aid peche o programa da Praza cos seus Rapoemas, o libro-disco editado por Galaxia en que fai versións de poemas de Rosalía de Castro ou Curros Enríquez.

De feito, o diálogo da literatura con outras artes, a música e a plástica en particular, é outra constante que dinamiza a feira: a poeta carballesa Rosalía Fernández Rial, que fora pregoeira da Praza dos Libros o ano pasado, presentará o seu novo libro de poemas, Vinte en escena (publicado en Positivas), cos ilustradores Chiña e Mon Lendoiro, e a música de Mon Búa. Tamén Xosé Neira Vilas presenta Esperando o leiteiro a súa última novela publicada en Galaxia, acompañado por O'Mighelo ao acordeón.

Para @s [email protected] máis [email protected]

Na Praza dos Libros cóidanse especialmente @s [email protected]: o conta contos Anxo Moure contará as aventuras de Graciano Zoqueiro; o grupo Glub Glub pon en escena Catalina Lino Lina; Paula Carballeira presenta tamén a súa novidade, O principio, editado por Kalandraka, e @s poetas María Canosa e Rafa Villar fan unha presentación conxunta das súas obras, Acuario e Patente de corso, acompañ[email protected] por crianzas que recitarán os poemas; farase un obradoiro de reciclaxe de camisolas; e mesmo, pensando [email protected] que aínda non len, mais escoitan, Xabier Díaz e Guillerme Fernández dan un concerto para bebés: Arrolos de salitre.

A programación para público infantil é unha garantía de antemán de éxito, mais Vidal bota en falla chegar á franxa de idade dos 16 aos 24 anos. “É moi complicado chegar a ela, mais é a pescada que se morde a cola: non hai produción cultural porque non se consume, e non se consume porque non hai produción cultural”. Con respecto a este ano, con todo, amósase optimista, malia o contexto de precariedade global: no conxunto das feiras do libro falan dunha baixada do 20% nas vendas, mais nestes seis anos de Praza dos Libros “non houbo diferenza: mantense máis ou menos igual o nivel de vendas”. Depende do tempo meteorolóxico, máis que da situación económica, que a xente se achegue á Praza. Agora quedan catro días por diante en que Carballo se converte de novo en epicentro da produción cultural galega.

comentarios