“Chegounos a carta de solicitude de asilo”, afirmou o presidente de Venezuela, Nicolás Maduro, que recoñeceu que até o de agora, porén, aínda non puideran establecer contacto con Edward Snowden.O ex-analista da CIA continúa, desde o pasado 22 de Xuño, na área de tránsito dun aeroporto en Moscova, acosado polos EUA após que destapase un programa de vixiancia e espionaxe global do goberno Obama.
Snowden pediu hai varios días asilo nunha vintena de países. Venezuela, Nicaragua e Bolivia ofrecéronse a darllo. E agora Venezuela recibiu carta de Snowden solicitando formalmente o asilo.
Maduro afirmou que "é Snowden o que ten que dicir cando quere vir para aquí" e cualificou o estadounidense de "mozo perseguido polo Imperio".
