A situación ten todo o aspecto de ser un golpe de estado orquestrado por Washington, xusto nos primeiros compases do novo mandato de Maduro, asumido polo líder bolivariano o pasado 10 de xaneiro co boicoteo dos EUA e o chamado Grupo de Lima, e co único apoio relevante de Cuba e México.
Miles de persoas saíron esta cuarta feira en Caracas nunha mobilización axitada pola oligarquía local, aparentemente combinada cos Estados Unidos.
Á frente do movimento, o titular da Asemblea Nacional, Juan Guiadó, de 35 anos, quen se proclamou presidente interino do país, un paso que foi inmediatamente respaldado polos EUA e tamén por Canadá.
Maduro gañou as eleccións de maio de 2018 co 67 por cento dos votos populares, mais a oposición nacional e estranxeira -basicamente a nucleada polos EUA- non recoñeceron os resultados que, porén, si foron validados por observadores internacionais como o ex presidente do goberno español, José Luis Rodríguez Zapatero.
O precedente deste golpe é o que durante unhas horas depuxo do poder en 2002 a Hugo Chávez, un atentado da oligarquía venezuelana contra o goberno lexítimo do país que contou co respaldo de Washington e do estado español, daquela dirixido politicamente polo PP de Aznar.
The citizens of Venezuela have suffered for too long at the hands of the illegitimate Maduro regime. Today, I have officially recognized the President of the Venezuelan National Assembly, Juan Guaido, as the Interim President of Venezuela. https://t.co/WItWPiG9jK
— Donald J. Trump (@realDonaldTrump) 23 de xaneiro de 2019
Noticia en ampliación.
