venres 29.05.2020

Urkullu tantea en Quebec vías de solución ao conflito catalán

O lehendakari invoca a Lei de Claridade canadiana como modelo a tomar por Europa válida para resolver conflitos nacionais.

Urkullu tantea en Quebec vías de solución ao conflito catalán

Iñigo Urkullu está en Quebec, dentro da viaxe institucional que realiza ao Canadá e no que a cuestión catalá tamén ten un oco na axenda. Tantear as posibilidades dunha mediación para o conflito catalán é unha das cuestións que o lehendakari vai tratar na súa estancia, segundo apontan algunhas fontes. 

O lehendakari invocou en Montreal o modelo de Quebec como unha posíbel vía da que a Unión Europea tome nota para encaixar as demandas de pobos como Catalunya ou Euskadi. “É un modelo especialmente valiosos pola experiencia dos referendos de 1980 e 1995, a tramitación da denominada lei de Claridade e a resposta dada polo Parlamento de Quebec”, dixo.

A Lei de Claridade quebequense estabelece as condicións nas que o goberno do Canadá debería abordar unha negociación con Quebec. Este modelo, canda o de Escocia, é unha das referencias de Urkullu para formular saídas aos problemas vasco e catalán. En todo caso, o lehendakari aclarou que eran referencias, non modelos a copiar.

Manifestación en Bilbao contra o 155

Representantes de diferentes organizacións vasca convocaron unha manifestación en Bilbao para este sábado contra a aplicación do 155 e pola defensa do dereito a decidir. Entre os convocantes, sindicatos como LAB, ELA e CNT, plataformas como Gure Esku Dago, e organizacións políticas como EH Bildu. 

comentarios