Conflito catalán

Tsunami Democrático anuncia novas mobilizacións sorpresa para cinco días concretos

A plataforma popular nacida en Catalunya para protestar contra a sentenza do Tribunal Supremo no xuízo ás e aos líderes do 'procès' pide á cidadanía que “reserve” o 9, 11, 12 e 13 de novembro e, tamén, o 18 de decembro, data prevista para o partido de fútbol entre o FC Barcelona e o Real Madrid.

tsunami-codigos
photo_camera Manifestantes partillan códigos QR da 'app' do Tsunami Democrático. Foto: Nació Digital

A plataforma popular Tsunami Democrático anunciou esta sexta feira, 25 de outubro, cinco novas mobilizacións para protestar contra a sentenza do Tribunal Supremo no xuízo ás e aos líderes do procès. En concreto, solicita á cidadanía que “reserve” os días 9, 11, 12 e 13 de novembro “xusto antes e despois das eleccións” xerais no Estado, o domingo 10 de novembro; e mais o 18 de decembro, data prevista para o partido de fútbol entre o FC Barcelona e o Real Madrid.

 

Non obstante, o Tsunami Democrático non ofrece maior información. Simplemente indica que a primeira das mobilizacións, a do 9 de novembro, véspera da cita electoral, desenvolverase “en todo o Estado”. Os días 11, 12 e 13, indican será nun “lugar sorpresa”; mentres que ao respecto da data do 18 de decembro, sinalan que “xogamos na casa” de xeito enigmático ao tempo que indicativo.

Comentarios